सर्वसाधारणका लागि सानिमा रिलायन्स लाइफको २.४२ लाख कित्ता संस्थापक सेयर बिक्रीमा

काठमाण्डौ । सानिमा रिलायन्स लाइफ इन्स्यारेन्स कम्पनी लिमिटेडले संस्थापक सेयरधनीहरुको स्वामित्वमा रहेको संस्थापक सेयर बिक्रीमा राखेको छ । कम्पनीले संस्थापक सेयरधनीहरुको स्वामित्वमा रहेको २ लाख ४२ हजार ६४८ कित्ता संस्थापक सेयर आजदेखि बिक्रीमा राखेको हो ।  

यो सेयर खरिदका लागि जो सुकै व्यक्ति तथा कम्पनीले खरिद आवेदन दिन सक्नेछन् । यसअघि कम्पनीका विद्यमान संस्थापक सेयरधनीहरुका लागि बिक्रीमा राखिएकोमा कुनैपनि आवेदन प्राप्त नभएकाले आम सर्वसाधारणकहा लागि उक्त सेयर बिक्री गर्न लागिएको कम्पनीले उल्लेख गरेको छ ।

इच्छुक सर्वसाधारणले सूचना प्रकाशित भएको १५ दिनभित्र आवेदन दिनुपर्नेछ । यस्तो आवेदन नक्सालमा रहेको कम्पनीको केन्द्रीय कार्यालयमा आईपुग्ने गरी पेश गर्नु पर्नेछ ।