(2).gif)
.png)
काठमाण्डौ । अभिनेता राजेश हमालको निर्देशनमा फिल्म बनाउन लागेको भन्दै भ्रष्टाचार गरेको आरोपमा ४ जनाविरुद्ध मुद्दा दर्ता भएको छ ।
अख्तियार दुरुपयोग अनुसन्धान आयोगले अछाम ढकारी गाउँपालिकाका अध्यक्ष प्रकाश बहादुर साउदसहित ४ जनाविरुद्ध बिहिबार विशेष अदालतमा मुद्दा दर्ता गरेको हो ।
अध्यक्ष प्रकाशसहित तत्कालिन निमित्त प्रमुख प्रशासकीय अधिकृत लक्ष्मण साह र लेखापाल विमल साउद र आर.जे २४ मिडिया प्रा.लि.का नव इन्द्रेणी फाउन्डेसन काठमाण्डौका अध्यक्ष रामजी लम्साल (रामबहादुर)विरुद्ध मुद्दा दर्ता भएको हो ।
स्रोतका अनुसार नव इन्द्रेणी फाउन्डेसनका अध्यक्ष लम्सालसँग आपसी मिलेमतोमा पालिका अध्यक्षले ‘अन्धपथ’ नामक चलचित्र निर्माण गर्ने भन्दै १५ लाख रुपैयाँ सरकारी बजेट दुरुपयोग गरेको अख्तियार दुरुपयोग अनुसन्धानको आरोप रहेको छ ।
उनीहरूविरूद्ध प्रतिव्यक्ति १२ लाख ७७ हजार २५० रूपैयाँ बिगो दाबी गर्दै अख्तियारले मुद्दा दर्ता गरेको हो ।
.png)
.jpg)
