आज काठमाण्डौका यी स्थानमा विद्युत अवरुद्ध हुने

काठमाण्डौ । नेपाल विद्युत् प्राधिकरणले शनिबार काठमाण्डौका केही क्षेत्रमा निर्धारित समयका लागि विद्युत् आपूर्ति अवरुद्ध गर्ने भएको छ। जीर्ण भइसकेका विद्युत् पोलहरू प्रतिस्थापन गर्ने योजनाअन्तर्गत यो कार्य अघि बढाइएको प्राधिकरणले जनाएको छ।

प्राधिकरणका अनुसार बानेश्वर वितरण केन्द्रअन्तर्गतको इमाडोल फिडरमार्फत आपूर्ति हुँदै आएका नरेफाट, सिसिआरसी कलेज आसपास तथा सूर्यकोटमार्ग क्षेत्र यस कटौतीबाट प्रभावित हुनेछन्। ती क्षेत्रमा रहेका ११ केभी क्षमताका पुराना पोलहरू परिवर्तन गरी विद्युत् संरचनालाई थप सुरक्षित र भरपर्दो बनाउने लक्ष्य राखिएको छ।

आज बिहान ११ बजेदेखि दिउँसो ३ बजेसम्म सञ्चालन हुने यस मर्मत कार्यका कारण उपभोक्ताहरूले केही समय विद्युत् सेवा उपभोग गर्न पाउने छैनन्। प्राधिकरणले यसबाट पर्न जाने असुविधाप्रति क्षमायाचना समेत व्यक्त गरेको छ।