(3).gif)
(2).gif)
(4).gif)
.png)
काठमाण्डौ । इटहरीस्थित समस्यामा परेको अम्बे कोशी बचत तथा ऋण सहकारीका साना निक्षेपकर्ता तथा बचतकर्ताहरूले आफ्ना रकम फिर्ता पाउन थालेका छन् ।
कोशी प्रदेश सरकारले गठन गरेको समस्याग्रस्त सहकारी व्यवस्थापन समितिले २० हजार रुपैयाँभन्दा कम बचत भएका सदस्यहरूलाई प्राथमिकतामा राख्दै रकम फिर्ता गरेको हो ।
समितिका अनुसार साना बचतकर्तालाई राहत दिन हालसम्म २८७ जना बचतकर्ताको जम्मा २८ लाख ५७ हजार रुपैयाँ उनीहरूको बैंक खातामा पठाइसकिएको छ ।
.gif)
.gif)
(1).gif)
प्रदेश सरकारले समिति गठन गरी सहकारीको व्यवस्थापन जिम्मा दिएपछि उक्त सहकारीले लगानी गरेको ऋणमध्ये १ करोड ८७ लाख रुपैयाँ असुली गरिएको थियो ।
तर सहकारीबाट उठाउन बाँकी ऋण भने अझै ४२ करोड ६० लाख रुपैयाँभन्दा बढी रहेको छ । यता बचत फिर्ताका लागि २४ करोड ८८ लाख रुपैयाँ बराबरको निवेदन समितिमा परेको छ ।
.gif)
(1).gif)
समितिका अनुसार ऋण असुली प्रक्रिया तीव्र पारिएकाले अब २० हजारसम्मका बचत फिर्ता गरेपछि क्रमशः १ लाख रुपैयाँसम्मका बचतकर्तालाई रकम दिने तयारी भइरहेको छ ।
प्रदेश सरकारले २०८१ साल पुस २३ गते अम्बे कोशी सहकारीलाई समस्याग्रस्त संस्था घोषणा गरेको थियो । त्यसपछि सरकारी समितिले सम्पत्ति व्यवस्थापन, ऋण असुली र धितो लिलामी प्रक्रिया अघि बढाएको हो ।
(2).gif)
.png)
.jpg)
.jpg)
(1).gif)
