७ बीमा कम्पनीको मात्रै सेयरभाउ बढ्यो, सर्वाधिक गुमाउनेमा नेपाल रि इन्स्योरेन्स

काठमाण्डौ । साताको अन्तिम कारोबार दिन सेयरबजारमा सामान्य सुधार देखिएको छ । नेप्से परिसूचक १.५४ अंकले बढेर २७८८.७० विन्दुमा कायम भएको छ ।  

नेप्सेमा सूचीकृत ३५१ कम्पनीको १ करोड २१ लाख ७४ हजार ५१६ कित्ता सेयर किनबेच हुँदा ५ अर्ब २७ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेको छ । जीवन बीमा समूह ०.२६ प्रतिशत र निर्जीवन बीमा समूह ०.०६ प्रतिशतले घटेको छ ।  

आज ७ बीमा कम्पनीको मात्रै सेयरभाउ बढेको छ । सर्वाधिक कमाउनेमा राष्ट्रिय बीमा कम्पनी रहेको छ । यो कम्पनीको सेयरभाउ १.९९ प्रतिशतले बढेर १५ हजार ३५० रुपैयाँ पुगेको छ ।  

त्यस्तै, हिमालयन एभरेष्टको ०.१९ प्रतिशत, नेको इन्स्योरेन्सको ०.९९ प्रतिशत, सानिमा जिआइसीको १.३१ प्रतिशत, सिटिजन लाइफको ०.५९ प्रतिशत, आइएमई लाइफको ०.३२ प्रतिशत र रिलायबल नेपाल लाइफको ०.०७ प्रतिशतले सेयरभाउ बढेको छ ।  

आज सर्वाधिक गुमाउने बीमा कम्पनीमा भने नेपाल रि इन्स्योरेन्स रहेको छ । कम्पनीको सेयरभाउ २.५६ प्रतिशतले घटेर ९१७ रुपैयाँ कायम भएको छ ।  

त्यस्तै, हिमालयन रि को ०.२९ प्रतिशत, आइजीआई प्रुडेन्सियलको १.१५ प्रतिशत, नेपाल इन्स्योरेन्सको ०.७८ प्रतिशत, एनएलजीको १.७८ प्रतिशत, नेपाल माइक्रो इन्स्योरेन्सको १.६४ प्रतिशत, प्रभु इन्स्योरेन्सको ०.७४ प्रतिशत, सलिकोको ०.४२ प्रतिशत, शिखरको ०.४० प्रतिशत, सिद्धार्थ प्रिमियरको १.११ प्रतिशत र युनाइटेड अजोडको १.०७ प्रतिशतले घटेको छ ।  

यसका साथै क्रेष्ट माइक्रो लाइफको ०.५८ प्रतिशत, गार्डियन माइक्रो लाइफको १.०८ प्रतिशत, हिमालयन लाइफको ०.२० प्रतिशत, एलआइसी नेपालको ०.१२ प्रतिशत, नेपाल लाइफको ०.१३ प्रतिशत, नेशनल लाइफको १.०२ प्रतिशत, प्रभु महालक्ष्मी लाइफको ०.८२ प्रतिशत, सूर्यज्योति लाइफको ०.६९ प्रतिशत, सन नेपाल लाइफको ०.२२ प्रतिशत र सानिमा रिलायन्स लाइफको ०.६४ प्रतिशतले घटेको छ ।