(2).gif)
(20).jpg)
.png)
काठमाण्डौ । सरकारले सातामा दुई दिन दिँदै आएको सार्वजनिक बिदा तत्काल नहटाउने स्पष्ट पारेको छ।
सरकारका प्रवक्ता तथा शिक्षामन्त्री सस्मित पोखरेलले शुक्रबार शिक्षा पत्रकारहरूसँगको छलफलमा आइतबारको बिदा दीर्घकालसम्म कायम रहने बताएका हुन्।
उनले अन्तर्राष्ट्रिय अभ्यासअनुसार सातामा दुई दिन बिदा दिने व्यवस्था लागू गरिएको भन्दै यसलाई हटाउनेबारे सरकारले तत्काल कुनै सोच नबनाएको बताए।
सरकारले गत चैत २२ गतेदेखि सरकारी कार्यालय र शैक्षिक संस्थामा शनिबार र आइतबार बिदा दिने निर्णय कार्यान्वयनमा ल्याएको थियो।
तर दुईदिने बिदाका कारण विद्यालय तथा क्याम्पसमा पाठ्यक्रम पूरा गर्न समस्या भएको र सरकारी अस्पतालको सेवा प्रभावित हुँदा बिरामीले सास्ती भोग्नुपरेको भन्दै आलोचना भइरहेको छ।
.png)
