.gif)
(1).gif)
(2).gif)
(8).jpg)
(1).gif)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा सामान्य अंकको गिरावट आएको छ । आज नेप्से परिसूचक ०.४० प्रतिशत अर्थात ८.२४ अंकले घटेर २०५१.९२ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.४३ प्रतिशतले घटेर ३६१.१८ विन्दुमा झरेको छ । यो दिन नेप्सेमा सूचीकृत मध्ये ३३३ वटा स्क्रिप्टको ८९ लाख १ हजार १९५ कित्ता सेयर ३ अर्ब ७१ करोड ५९ लाख रुपैयाँभन्दा बढीको कारोबार भएको छ ।
आजको बजारबारे बजार जानकार उपेन्द्र पाठक भन्छन्, ‘अहिले ८५ अर्ब सेयर कर्जाको ब्याज तिर्ने समय हो । यो समयमा ब्रोकर र म्युचुअल फण्डहरुले पनि हिसाब मिलान गुर्नपर्ने हुन्छ । यहि कारण बजारमा बिक्री दबाव देखिएको छ । यद्यपी बजार घट्दा पनि कारोबार खासै नबढ्नु सकारात्मक पक्ष हो ।’
पाठकले आगामी सातादेखि बजारमा सुधार आउन सक्ने बताए ।
नेपाल इन्भेष्टर्स फोरमका उपाध्यक्ष राजन लम्सालको विचारमा पनि असार मसातको प्रभावका कारण बजार घट्न पुगेको हो । उनका अनुसार असार २०–२२ गतेसम्म दबाव देखिनेछ । ‘अहिले उद्योगी व्यवसायीदेखि सबै व्यापारीले कर्जा तिर्ने समय हो । बैंक तथा वित्तीय संस्थाहरुबाट नयाँ कर्जा प्रवाह नभएको र रिकभरी मै लागेका कारण बजार सुस्त देखिएको हो,’ उनले भने ।
.gif)
.gif)
यो दिन नेप्सेमा सूचीकृत १३ वटा समूहमध्ये ३ वटा समूहमा मात्रै हरियाली छायो भने अन्य १० वटा समूहमा रातो पोतियो । आज म्युचुअल फण्ड ०.०७ प्रतिशत र अन्य समूह ०.९५ प्रतिशतले बढे । बैंकिङ समूह भने ०.०९ अंकले मात्रै बढ्यो ।
आज वित्त समूहमा सबैभन्दा धेरै गिरावट आयो । आज यो समूह २.२३ प्रतिशतले घट्यो । यस्तै आज विकास बैंक समूह ०.४३, होटल ०.५१,हाईड्रो ०.४५,लगानी ०.२०,जीवन बीमा ०.९९,उत्पादन तथा प्रशोधन १.१७,लघुवित्त ०.९५ र निर्जीवन बीमा समूह ०.६६ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल फाइनान्सको सर्वाधिक सेयर कारोबार भएको छ । आज यो कम्पनीको २२ करोड ७६ लाख बढीको सेयर कारोबार भएको छ । यस्तै हिमालयन रिको २१ करोड ४१ लाख,युनाइटेड इदी मर्दीको १२ करोड ५ लाख र पोखरा फाइनान्सको ८ करोड ७८ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज त्रिशुली जलविद्युत कम्पनीको सेयरमूल्य सर्वाधिक अर्थात ७.०९ प्रतिशतले बढ्यो । साथै आज मंैलुङ खोला जलविद्युत कम्पनीको सेयरमूल्य ५.६२ प्रतिशतले बढ्यो ।
आज नेपाल फाइनान्स कम्पनीको सेयरमूल्य सर्वाधिक अर्थात १० प्रतिशतले घट्यो ।
यस्तै शिवश्री हाईड्रोको सेयरमूल्य ७.८१ प्रतिशत र साधना लघुवित्तको सेयरमूल्य ६.१७ प्रतिशतले घट्यो ।
.png)
(1).png)
.jpg)
(5)(1)(3).jpg)
.png)
