(1).gif)
(2).gif)
.jpg)
(1).gif)
.png)
काठमाण्डौ । अब सवारी चालक अनुमतिपत्रको अवधि १० वर्ष हुने भएको छ । सरकारले सवारी तथा यातायात व्यवस्था ऐन २०४९ मा संशोधन गर्दै सवारी चालक अनुमतिपत्रको अवधि १० वर्ष कायम गरेको हो।
राजपत्रमा प्रकाशित केही नेपाल ऐनलाई संशोधन गर्न बनेको ऐनमा यसअघि ५ वर्ष अवधि रहेको सवारी चालक अनुमतिपत्रको अवधि बढाएर १० वर्ष पुर्याइएको छ ।
ऐनको दफा २३ मा भनिएको छ, ‘उक्त ऐनको दफा ५४ को उपदफा ३ मा रहेका पाँच वर्षसम्म भन्ने शब्दहरुको सट्टा दश वर्षसम्म भन्ने शब्दहरु राखिएका छन् । दफा ५६ को उपदफा ३ मा रहेका पाँच वर्षसम्मको भन्ने शब्दहरुको सट्टा दश वर्षसम्मको भन्ने शब्दहरु राखिएका छन्।’
.gif)
प्रतिनिधि सभाको गत वैशाख १६ गते बसेको बैठकले ‘केही नेपाल ऐन संशोधन विधेयक’ पारित गर्दै सवारी तथा यातायात व्यवस्था ऐन, २०४९ दफा ५४ को उपदफा ३ संशोधन गर्दै लाइसेन्सको अवधि १० वर्ष कायम गरेको थियो ।
यो विधेयक अघिल्लो सरकारले कानून, न्याय तथा संसदीय मामिला मन्त्री धनराज गुरुङ भएका बेला ल्याएको थियो । प्रतिनिधि सभामा २०८० वैशाख २६ मा दर्ता गरिएको यो विधेयक विषयगत समितिमा छलफलपछि २०८१ वैशाख १४ मा पुनः सभामा आएको थियो ।
.png)
.jpg)
.jpg)
.jpg)
(1).jpg)
