(1).gif)
(2).gif)
.jpg)
.gif)
.png)
काठमाण्डौ । नेपाल इन्स्योरेन्स कम्पनी लिमिटेडको अवितरित हकप्रद सेयरमा बोलकबोल आवेदन पेश गर्ने म्याद थप गरिएको छ । कम्पनीले गत साउन ६ गतेदेखि भदौ २ गतेसम्म १०ः३.४७८३ अनुपातमा निष्कासन गरेको हकप्रदमा आवेदन नपरेको १ लाख ९७ हजार ४२.७६ कित्ता सेयर गत भदौ २७ गतेदेखि लिलामीमातर्फ बिक्रीमा राखेको थियो ।
यो लिलामी सेयरका लागि बोलपत्र आवेदन पेश गर्ने अन्तिम मिति असोज ५ गते निर्धारण गरिएको थियो । तर हाल देशमा देखिएको अपरिस्थितीलाई मध्यनजर गर्दै बोलपत्र आवेदन पेश गर्ने म्याद असोज ८ गतेसम्मका लागि थप गरिएको छ ।
कुल सेयर संख्यामा संस्थापक समूहतर्फ ४ हजार ४६८.७६ कित्ता र सर्वसाधारणतर्फ १ लाख ९२ हजार ५७४ कित्ता रहेको छ ।
.gif)
यो सेयर खरिदका लागि जो सुकै व्यक्ति,कम्पनी वा संघ संस्थाहरुले आवेदन दिन सक्नेछन् । सेयरको न्यूनतम मूल्य १०० रुपैयाँ तोकिएको छ । बोलकबोल पेश गर्दा न्यूनतम १ हजार कित्ता र अधिकतममा सम्पूर्ण कित्ताका लागि खरिद आवेदन पेश गर्न सकिने कम्पनीले जनाएको छ ।
लगानीकर्ताले एनआईएमबि एस क्यापिटलको लाजिम्पाटस्थित कार्यालय, र क्यापिटलको पोखरा,बुटवल वीरगञ्ज र विराटनगर शाखा कार्यालयहरुबाट आवेदन पेश गर्न सक्नेछन् ।
.png)
(45).jpg)
.jpg)
.png)
.png)
