सुनको मूल्यमा आज उच्च वृद्धि, तोलाको कति पुग्यो ?

काठमाण्डौ । अघिल्लो कारोबारमा घटेको सुनको भाउ आज फेरि बढेको छ । नेपाल सुनचाँदी व्यवसायी महासंघका अनुसार आज सुन र चाँदी दुवैको मूल्यमा बढोत्तरी आएको छ ।

महासंघका अनुसार आज सुन अघिल्लो दिनको तुलनामा ६ हजार २ सय रुपैयाँले बढेको छ । यो वृद्धिसँगै सुनको मूल्य आज प्रतितोला २ लाख ८३ हजार ५ सय रुपैयाँ पुगेको छ ।

अघिल्लो दिन भने सुनको भाउ ६ सय रुपैयाँले घट्दै प्रतितोला २ लाख ७७ हजार ९ सय रुपैयाँमा खुम्चिएको थियो ।

यस्तै आज १० ग्राम सुनको भाउ २ लाख ४३ हजार ५५ रुपैयाँ कायम भएको छ ।

यो दिन सुनसँगै चाँदी पनि महङ्गिएको छ । अघिल्लो दिन प्रतितोला ४ हजार २७० रुपैयाँमा कारोबार भएको चाँदी आज १८० रुपैयाँले बढ्दै प्रतितोला ४ हजार ४५० रुपैयाँ निर्धारण भएको छ ।