पूँजीबजारमा विदेशी संस्थागत लगानीकर्ताको आकर्षण बढाउने सरकारको प्रतिबद्धता, कर नीति स्थिर गरिने

काठमाण्डौ । सरकारले पूँजीबजारलाई पारदर्शी, सुरक्षित र लगानीमत्रै बनाउने प्रतिबद्धता व्यक्त गरेको छ ।  

संसदमा प्रतिनिधित्व गर्ने ६ राष्ट्रिय राजनीतिक दलका घोषणापत्रहरुलाई समेटर सार्वजनिक गरेको १८ बुँदे ‘राष्ट्रिय प्रतिबद्धतापत्र’को मस्यौदामा उक्त विषय उल्लेख गरिएको छ ।  

सरकारले आर्थिक क्षेत्रमा स्थायित्व र सुधार बुँदा नं. १ मा पूँजीबजारलाई पारदर्शी, सुरक्षित र लगानीमैत्री बनाउन नियामक सुधार, प्रविधिमैत्री कारोबार तथा लगानीकर्ता संरक्षण संयन्त्र सुदृढ गरिने विषय समावेश गरेको छ ।  

यसका साथै पूँजीबजारमा साना, स्वदेशी तथा विदेशी संस्थागत लगानीकर्ताको आकर्षण बढाइने समेत सरकारले प्रतिबद्धतापत्रमा उल्लेख गरेको छ ।  

लगानीकर्ताको लगानी सुरक्षित गरिने र संस्थागत लगानीकर्ताको विस्तार, प्रोत्साहन र सहजीकरण गरिने र पूँजीबजार कर नीति स्थिर र लगानीमैत्री हुने प्रतिबद्धता व्यक्त गरेको छ ।