रास्वपाद्वारा संसदीय दलको बैठक आह्वान

काठमाण्डौ । राष्ट्रिय स्वतन्त्र पार्टी (रास्वपा)ले संसदीय दलको बैठक आह्वान गरेको छ ।

रास्वपाका सहमहामन्त्री विपिनकुमार आचार्यका अनुसार बिहीबार बिहान १२ बजे सिंहदरबारस्थित संसदीय दलको कार्यालयमा बैठक बस्ने तय भएको छ ।

बिहीबार संसदीय समितिका सभापतिहरूका लागि मनोनयन दर्ताको समय तोकिएकाले त्यसअघि नै रास्वपा संसदीय दलको बैठक बस्न लागेको हो ।

गत चैत २७ गते प्रतिनिधिसभाले विषयगत समितिहरूमा रहने सदस्यहरूको टुंगो लगाएको थियो। सोही दिन सभामुख डोलप्रसाद अर्यालले आगामी शुक्रबार संसदीय समितिका सभापतिहरूको निर्वाचन मिति घोषणा गरेका थिए । सोहीअनुसार बिहीबार मनोनयन दर्ता हुने भएको हो ।

संघीय संसद् अन्तर्गत कुल १६ वटा संसदीय समितिहरू रहेका छन्, जसमा प्रतिनिधिसभाका १०, राष्ट्रिय सभाका ४ र दुई वटा संयुक्त समिति छन् ।