अन्नपूर्ण आरोहणको ७६ वर्ष पुरा

काठमाण्डौ । अन्नपूर्ण हिमालको पहिलो सफल आरोहण भएको ७६ वर्ष पूरा भएको छ। सन् १९५० जुन ३ मा फ्रान्सेली पर्वतारोही मौरिज हर्जोग र लुई लचेनलको सहितको टोलीले अन्नपूर्णको शिखरमा पहिलो पटक मानव पाइला राख्दै नयाँ अध्याय लेखेका थिए।

८ हजार ९१ मिटर उचाइको अन्नपूर्ण विश्वका ८ हजार मिटरभन्दा अग्ला हिमालमध्ये पहिलो सफल आरोहण भएको शिखर हो। यही कारण यसलाई पर्वतारोहण जगतमा ‘जेठो हिमाल’का रूपमा चिनिन्छ। अन्नपूर्णको सफल आरोहणले नेपाललाई अन्तर्राष्ट्रिय पर्वतीय पर्यटनको केन्द्रका रूपमा चिनाउने आधार तयार पारेको मानिन्छ।

अन्नपूर्ण आरोहणको ७६औँ वर्षगाँठका अवसरमा गण्डकी प्रदेशका विभिन्न स्थानमा विविध कार्यक्रम आयोजना गरिएका छन्। हिमालको आधार शिविर रहेको म्याग्दीको नारच्याङदेखि आधार शिविरसम्म दौड प्रतियोगिता, सांस्कृतिक कार्यक्रम तथा पर्यटन प्रवर्द्धनसँग सम्बन्धित गतिविधि सञ्चालन गरिएको छ। 

यससँगै कास्की र लमजुङका स्थानीय तहहरूले पदमार्ग प्रवर्द्धन तथा साहसिक पर्यटन विकासलाई केन्द्रमा राखेर विशेष कार्यक्रम आयोजना गरेका छन्।