(2).gif)
(11).jpg)
.png)
काठमाण्डौ । जिल्ला प्रहरी परिसर काठमाडौंले गुण्डागर्दी तथा विभिन्न आपराधिक गतिविधिमा संलग्न १ हजार ८७१ जनाको विस्तृत प्रोफाइल तयार पारेको छ।
शुक्रबार आयोजित पत्रकार सम्मेलनमा परिसरले अपराध अनुसन्धानलाई प्रभावकारी बनाउन तथा घटनामा संलग्न शंकास्पद व्यक्तिको छिटो पहिचान गर्न यस्तो अभिलेख तयार पारिएको जानकारी दिएको हो।
परिसरका प्रवक्ता एसपी पवनकुमार भट्टराईका अनुसार अभिलेखमा सम्बन्धित व्यक्तिको व्यक्तिगत तथा तीन पुस्ते विवरणसमेत समेटिएको छ। अपराध भएपछि सम्भावित अभियुक्तको पहिचान, खोजी तथा पक्राउ प्रक्रियालाई सहज बनाउन प्रोफाइल उपयोगी हुने प्रहरीको भनाइ छ।
प्रहरीले पटके अपराधी, गुण्डागर्दीमा संलग्न व्यक्ति तथा कसुरको प्रकृतिका आधारमा उनीहरूलाई फरक–फरक वर्गमा राखेर प्रोफाइल तयार गरेको जनाएको छ।
.png)
