२३ बीमा कम्पनीको सेयरभाउ बढ्यो, एनएलजी इन्स्योरेन्सका लगानीकर्ताले सर्वाधिक गुमाए

काठमाण्डौ । साताको दोस्रो कारोबार दिन सेयरबजारमा दोहोरो अंकको बढोत्तरी भएको छ । नेप्से परिसूचक ३१.४८ अंकले बढेर २६९९.६६ विन्दुमा कायम भएको छ । नेप्सेमा सूचीकृत ३०७ कम्पनीको ६४ लाख १७ हजार २६७ कित्ता सेयर किनबेच हुँदा ३ अर्ब ६ करोड रुपैयाँमाथिको कारोबार भएको छ ।

नेप्सेमा रहेका १३ उपसूचकमध्ये आज उत्पादन तथा प्रशोधन समूहबाहेक सबै उपसूचक बढेका छन् । बीमा समूहका दुईवटै उपसूचक बृद्धि भएको छ । जीवन बीमा समूह १ प्रतिशत र निर्जीवन बीमा समूह ०.५१ प्रतिशतले बृद्धि भएको छ । आज २३ वटा बीमा कम्पनीको सेयरभाउ बढेको छ । सर्वाधिक कमाउने वा सेयरमूल्य बढ्ने बीमा कम्पनीमा सानिमा रिलायन्स लाइफ रहेको छ। कम्पनीको सेयरभाउ ३.०७ प्रतिशतले बढेर ४६३ रुपैयाँ पुगेको छ ।

त्यस्तै, सगरमाथा लुम्बिनी इन्स्योरेन्सको २.४१ प्रतिशत, सिटिजन लाइफको १.९६ प्रतिशत, हिमालयन रि को १.९५ प्रतिशत, सुर्यज्योति लाइफको १.४० प्रतिशत, युनाइटेड अजोडको १.३९ प्रतिशत, नेपाल लाइफको १.३१ प्रतिशत, नेपाल रि को १.२३ प्रतिशत, हिमालयन लाइफको १.२२ प्रतिशत, रिलयाबल नेपाल लाइफको १.१६ प्रतिशत, शिखरको १.०६ प्रतिशत, आइएमई लाइफको १.०६ प्रतिशत, आइजीआई प्रुडेन्सियलको ०.९९ प्रतिशत, नेशनल लाइफको ०.८० प्रतिशत, नेपाल इन्स्योरेन्सको ०.६९ प्रतिशत, प्रभु इन्स्योरेन्सको ०.६१ प्रतिशत, सिद्धार्थ प्रिमियरको ०.५८ प्रतिशत, एशियन लाइफको ०.५६ प्रतिशत, नेको इन्स्योेरेन्सको ०.५५ प्रतिशत, सन नेपाल लाइफको ०.४१ प्रतिशत, सानिमा जिआइसीको ०.२६ प्रतिशत र एलआइसी नेपालको ०.१० प्रतिशतले सेयरभाउ बढेको छ । 

आज तीनवटा बीमा कम्पनीको भने सेयरभाउ घटेको छ । सर्वाधिक गुमाउनेमा एनएलजी इन्स्योरेन्स रहेको छ । कम्पनीको सेयरभाउ १.३० प्रतिशतले घटेर १२८८ रुपैयाँ कायम भएको छ । त्यस्तै, हिमालयन एभरेष्टको ०.३६ प्रतिशत र प्रभु महालक्ष्मी लाइफको ०.२३ प्तिशतले घटेको छ ।