(2).gif)
.png)
दार्चुलाको अपिहिमाल गाउँपालिका–३ स्थित दुधिला मावि मतदान केन्द्रमा मतदान प्रक्रिया अझै सुरु हुन सकेको छैन। स्थानीय मतदाता मतदानका लागि केन्द्रमा उपस्थित नभएपछि मतदान थाल्न नसकिएको हो।
यसअघि स्थानीय बासिन्दाले आफ्ना माग सम्बोधन नभएको भन्दै दुई वटा मतदान केन्द्रमा मतदान बहिष्कार गर्ने निर्णय गरेका थिए। नौगाड गाउँपालिका–१ को गौरीशंकर आधारभूत विद्यालय, नागु र अपिहिमाल गाउँपालिका–३ को दुधिला आधारभूत विद्यालय, झुस्कुका मतदाताले मतदानमा सहभागी नहुने घोषणा गरेका हुन्।
स्थानीयको असन्तुष्टि समाधान गर्न सुदूरपश्चिम प्रदेश सरकारका मुख्य सचिव बैकुण्ठ अर्याल बुधबार नागु पुगेका थिए। नेपाली सेनाको हेलिकप्टरमार्फत धनगढीबाट नागु पुगेका अर्यालले नागु विकास संघर्ष समितिसँग छलफल गरेका थिए।
तर छलफलपछि पनि स्थानीय आफ्नो अडानबाट पछि नहटेपछि ती क्षेत्रमा मतदान प्रक्रिया प्रभावित भएको छ।
.png)
(1).jpg)
(1).jpg)
.jpg)
