बालेन सवार हेलिकप्टर झापामा अवतरण नगरी काठमाडौं फर्किँदै

काठमाडौं महानगरपालिकाका मेयर बालेन्द्र शाह (बालेन) सवार हेलिकप्टर झापामा अवतरण नगरी काठमाडौं फर्किरहेको छ।

काठमाडौंमा मतदान गरेपछि झापा उडेको हेली एभरेस्टको हेलिकप्टर झापामा ल्यान्ड हुन नसकेपछि पुनः काठमाडौं फर्किएको त्रिभुवन अन्तर्राष्ट्रिय विमानस्थलले जनाएको छ।

विमानस्थलका प्रवक्ता सन्तुष्ट कुमार बस्नेतका अनुसार हेलिकप्टर केहीबेरमै त्रिभुवन विमानस्थलमा अवतरण गर्ने तयारीमा छ।

‘हेलिकप्टर फर्किरहेको छ, केहीबेरमै यहाँ ल्यान्ड हुन्छ,’ बस्नेतले बताए। झापामा किन अवतरण हुन सकेन भन्नेबारे भने तत्काल स्पष्ट कारण खुल्न सकेको छैन।