(2).gif)
.png)
काठमाण्डौं । संघीय संसद्को प्रतिनिधिसभा बैठक शुरु भएको छ ।
तर, बैठक शुरु हुनासाथ विपक्षी दलहरूले प्रधानमन्त्री बालेन्द्र शाहको विवादास्पद अभिव्यक्तिलाई लिएर विरोध जनाएका छन् ।
प्रधानमन्त्री शाहले आइतबारको प्रतिनिधिसभा बैठकमा नेपाल–भारत सीमा सम्बन्धी विषयमा बोल्दै “भारतले मात्र होइन, नेपालले पनि केही स्थानमा भारतीय भूमि मिचेको छ” भन्ने आशयको अभिव्यक्ति दिएका थिए ।
उक्त भनाइलाई लिएर विपक्षी दलहरूले गम्भीर आपत्ति जनाउँदै आएका छन् ।
सोमबारको बैठक शुरु भएलगत्तै विपक्षी सांसदहरू आ–आफ्नो स्थानबाट उठेर प्रधानमन्त्रीको अभिव्यक्ति संसद्को अभिलेख (रेकर्ड) बाट हटाउन माग गरेका हुन् ।
उनीहरूले प्रधानमन्त्रीको भनाइ नेपालको राष्ट्रिय अडान, सार्वभौमिकता र सीमा सम्बन्धी स्थापित मान्यताविपरीत रहेको जिकिर गरेका छन् ।
यता सभामुखले विपक्षी सांसदहरूलाई आफ्नो धारणा राख्ने अवसर दिने तथा सदनको नियमित कार्यसूची अघि बढाउने प्रयास गरिरहेका छन् ।
तर, प्रधानमन्त्रीको अभिव्यक्तिलाई लिएर सरकार र विपक्षीबीच देखिएको मतभेद तत्काल समाधान हुने संकेत भने देखिएको छैन ।
संसद् भवन परिसरमा समेत सत्तापक्ष र विपक्षी दलका नेताहरूबीच परामर्श जारी रहेकाले आजको बैठकको कार्यसूची सहज रूपमा अघि बढ्ने वा पुनः अवरोधको अवस्था सिर्जना हुने भन्ने चासो बढेको छ ।
.png)
