काठमाण्डौ–बैंकक उडान पुनः सुचारु गर्दै थाइ एयर एशिया

NEWS
बुधबार, भाद्र १९,२०८१ 10:17:04

काठमाण्डौ । थाइ एयर एशियाले काठमाण्डौ –बैंकक उडान पुनः सुरु गर्ने भएको छ । कम्पनीले आगामी भदौ ३१ गतेदेखि पुनः उडान सुरु गर्ने भएको हो। कम्पनीले कात्तिक १६ गतेसम्म काठमाण्डौबाट र कात्तिक तेस्रो साताबाट गौतमबुद्ध अन्तर्राष्ट्रिय विमानस्थलबाट उडान सञ्चालन गर्ने तयारी गरेको छ ।

कम्पनीले भदौ ३१ बाट उडान गर्ने गरी टिकट बिक्री समेत सुरु गरिसकेको छ।

कम्पनीले विसं २०६९ बाट क्वालालाम्पुर–काठमाण्डौ व्यावसायिक उडान सुरु गरेको थियो । तर त्रिभुवन अन्तर्राष्ट्रिय विमानस्थललाई ल्याण्डिङ, पार्किङ, नेभिगेसनलगायत सेवाको बक्यौता नतिरेपछि कम्पनीको हवाई सेवा ५ वर्षअघि बन्द भएको थियो ।

कम्पनीले त्रिभुवन अन्तर्राष्ट्रिय विमानस्थललाई बुझाउन बाँकी बक्यौता गत फेब्रुअरीदेखि भुक्तानी गरिरहेको छ । कम्पनीले मासिक १ करोड २५ लाख रुपैयाँका दरले विमानस्थललाई भुक्तानी गरिरहेको छ ।