सुनको मूल्यमा गिरावट, चाँदी पनि सस्तियो

काठमाण्डौ । नेपाल सुनचाँदी व्यवसायी महासंघले सोमबारका लागि सुन तथा चाँदीको नयाँ मूल्य सार्वजनिक गरेको छ। महासंघका अनुसार आज सुनको मूल्य अघिल्लो दिनको तुलनामा २ हजार ८ सय रुपैयाँले घटेको छ । 

आज छापावाल सुनको मूल्य प्रतितोला २ लाख ८५ हजार २०० रुपैयाँ कायम भएको छ। त्यस्तै, १० ग्राम सुनको मूल्य २ लाख ४४ हजार ५१५ रुपैयाँ निर्धारण गरिएको छ।

अघिल्लो दिन छापावाल सुन प्रतितोला २ लाख ८८ हजार रुपैयाँ र १० ग्रामको २ लाख ४६ हजार ९१५ रुपैयाँमा कारोबार भएको थियो।

यस्तै, चाँदीको मूल्य पनि १०० रुपैयाँले घटेको छ। महासंघका अनुसार आज चाँदी प्रतितोला ४ हजार ३७५ रुपैयाँ कायम भएको छ। अघिल्लो दिन चाँदीको मूल्य प्रतितोला ४ हजार ४७५ रुपैयाँ रहेको थियो।